يوميات مخبر أمن دولة

ناس كتير بتفتكر إننا مابنتعبش وإننا عايشين سفلقة عاوز أقول لكو حاجة مهمة لو الناس بتتعب ربع تعبنا كانت البلد اتطورت وبقت أحسن من أتخن دولة فى العالم

هاحكيلكوا النهاردة عن نفسى أنا باتعب ازاى علشان أحافظ على أمن البلد أنا تقريبا مابنامش يعنى بنام قليل جدا ومش باحط راسى على المخدة أنام لى سبع ساعات واشخر زى ناس كتير بتحب البلد بالكلام وبس لأ ممكن أنام ساعة ساعتين لو طولت شوية ممكن يبقوا أربع ساعات

طبعا السبب الأول إنى باحب شغلى جدا وكنت أتمنى لو انى ما انامش خالص باحب شغلى أكتر من عيالى عندى اخلاص له فوق مايتخيل حد احساسى انى باخدم البلد وبحافظ عليها بيخلينى أشتغل فوق طاقة البشر علشان كده فى المديرية انا ليا وضع كبير جدا وأنا بالنسبة للباشاوات حاجة كبيرة جدا

أنا أعرف كمية بشر ماحدش يتخيلها أشوف الواحد مرة واحدة صورته تتطبع فى مخى على طول عندى كمية معلومات ولا أجعص كمبيوتر فى الدنيا يشيلها كل الشخصيات اللى قابلتها لا أنساها الشكل والاسم والعنوان وأى معلومة عنه تتحفظ فى سجل مدنى

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

5 تعليق »

كنت عاوز أرد عليك من كام يوم بس اللى عطلنى بصراحة انى كنت بافكر وأتامل شوية عارفة فى ايه؟ أنا بمنتهى الامانة اعتقلت كتير من الاخوان بنفسى واتعاملت معاهم جوة مدرية الأمن وبراها كمان ورحت لهم بيوتهم وشغلهم تتصورى عمرى ماشفت منهم واحد قليل الأدب يمكن سمعت بودانى ناس بتعى عليا ناس صرخت فى وشى ناس قعدت تقولى يوم القيامة والظلم والظالمين ناس اعتقلتها وبعدين رحت لها شغلها استقبلتنى كويس معندكيش فكرة وأقولها بصراحة ذوق معاملتهم وأدبهم بيخلى الواحد ينكسف يضايق حد صحيح احنا برضة بندايقهم ف

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

10 تعليق »

اللى مش خوافين

طبعا وبكل أمانة زى ما اتعودتوا منى هاحكى لكم النهاردة عن ناس قابلتهم ومش بيخافوا ومش كده وبس ومش هاممهم كمان ومش كده وبس ممكن أبص لواحد النظرة النارية فيبصلى بنظرة غريبة مش عارف أوصفها بس نظرة مش خايفة فيها جراة غريبة رغم إن أتخن تخين فيهم ممكن أفعصه طبعا ماتفكروش ان البهوات اللى بيردوا عليا وبيشتمونى من الصنف ده دول من الخوافين اللى مستخبين ورا أسماء وهمية ومش هاعرف أوصلهم أنا باتكلم عن ناس تانية ماشية فى الشارع قدامى اعرف أسماءهم وبيوتهم ومنهم اللى

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

4 تعليق »

آه لو تشوفوا الناس يوم ماعرفت إنى مخبر أمن دولة أنا نفسى مابقتش مصدق يعنى أنا عارف ان إسم أمن الدولة له هيبته برضه بس بصراحة مش للدرجة دى الناس من أول حضرة العمدة مرورا بشيخ الغفر وكل كبرات البلد لحد أصغر جعر اتحولوا بقدرة قادر لطراطير أى والله لطراطير… الواحد أول ما أطل عليه يصفر وبعدين الصفار يتحول لابتسامة تخيلوا الابتسامة الصفرا وبعدين يبلع ريقه اللى نشف ويقولى أهلا وسهلا بالباشا أنا نفسى حاسس كده إن فيه ناس فى المدونات بيجيلها الخوف لما تشوف اسمى كوكو أمن دولة باشعر قد إيه الناس بتخاف منى… وكل لما الناس تخاف منى أحس انى باكبر أكتر وأكتر وامشى فى الشارع ولا قنصل الوز

المهم خليكوا معايا البلد بدأت تعمل لى ألف حساب من غير ما اعمل أى حاجة ومن غير ما اتنفس حتى لقيتنى بقدرة قادر متصدر كل الحتت الل

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

4 تعليق »

كل سنة وانت طيبة

طبعا أنا اتأخرت عليك لأنى انشغلت قبل العيد جدا وحضرتك عارفة وسيد العارفين إن أمن البلد وأمانها دى شغلتنا وبنتعب فيها جدا علشان الناس تبقى مرتاحة وتعيد بدون قلق فى البلد بدون ماحد يهدد السلم الاجتنماعى ويخطف أمان الناس

تقولين حضرتك أنك تحتقرين مخبر أم الدولة أكيد من حقك أنا عازرك لأن قلبك محروق على ابوك واللى قلبه محروق على حد ممكن يطرطش بالكلام بدون مايدرى هو بيقول إيه أنا برضه عازرك انت لسة صغيرة وواخداك الحماسة قوى بكرة لما تكبرى شوية هاتغيرى رأيك

بتسألى عن وطنية مخبر أمن الدولة

هاقولك

مخبر أمن الدولة ده أكتر واحد وطنى فى البلد دى هو اللى يعرف مصلحتها

هو اللى عارف أسرار الناس اللى بتهد فى البلد أنا مش باراقب المصلحين ولا الشرفاء ولا الأ

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

18 تعليق »

مساء الخير ياجماعة

وكل سنة وانتوا طيبين

عاوزكوا تاخدوا بالكوا من حاجة

إحنا بنى أدمين زيكو وعندنا عيال نفسنا نعيد عليهم ونفسحهم وننسى شوية إننا أمن دولة وفرقبتنا حماية البلد

ريحونا الله يريحكم

ممنوع المظاهرات وخاصة مظاهرات العيال الصغيرة والبلالين والحلاوة وكروت المعايدة دول برضوا زى ولادنا ومانحبش ليهم البهدلة

ممنوع مظاهرات الكبار والستات

تصلوا العيد فى الماكن اللى حددناها علشان نحافظ عل

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

6 تعليق »

فى عالم أمن الدولة عرفنا الحاجة التالتة وهى النظام…. الضبط والربط وتمام يافندم دى حاجة مش تبعنا ولاتلزمنا

النظام هو الوطن هو البلد ولأننى حامى حمى النظام  فكل شيئ فى الدولة يمشى زى ما أنا عاوز وده طبعا لحماية البلد اللى هى النظام

 كان أول اختبار لى عندما اختلفت مع ضابط مباحث برتبة رائد فى تنفيذ اجراءات معينة هو أصدر أمر وانا أصدرت خلافه فى نفس التو واللحظة بصراحة مش هاقولك الموقف كان غاية فى الصعوبة عليا بس من جوايا وطبعا كان صعب عليه جدا ولما كبرت فى دماغه راح الخوف منى وقلت له ماقلته هو اللى هايمشى وطبعا كلامه اللى مشى باعتبار انه الضابط وأنا يادوب عسكور صغنن البهايم اللى واقفين معاه مارضوش ينفذوا اللى قلته

تعرفوا الضابط ده تانى يوم أخذ جزا واترمى فى أسيوط بسبب تقرير كتبته يتحدث عن أمن البلد الذى سينهار أمام الضباط المستهترين وتعرفوا أكتر إنى كبر

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

11 تعليق »

مش الانضباط وتمام يافندم هى المؤهلات اللى تخليك تكبر فى جهاز الشرطة زى ماقلت المرة اللى فاتت ومش إنك تكون فاسد ومنحرف برضه مؤهلات إنك تكبر ولكن المزج بين العنصرين الظاهر والباطن إزاى ان الناس تشوفك شريف وانت لمؤاخذه حرامى إزاى الناس تشوفك شيخ الاسلام وانت شيخ منصر إزاى الناس تشوف أخلاقك العاليا وانت أوطى من….. من إيه؟….. قول من أوطى حاجة تخطر على بالك…. بس خدوا بالكو فيه ناس مهروشة فى دماغها هاتقول ده نفاق أبدا أبدا ياجماعة دى قمة الوطنية وحب البلد زى بالضبط ما أى جاسوس بيتنكر ويعمل فيها برم علشان يجيب معلومة تفيد البلد زى المعلم رأفت الهجام كده

يعنى باختصار ازاى ترتكب أى جريمة وتعمل أى حاجة بدون ماحد يمسك عليك حاجة

فهمت أنا الحكاية دى كويس قوى بس بعد تجارب كتيرة وجربت كتير فى معهد أمناء الشرطة واتحطيت فى مواقف صعبة جدا وخرجت منها زى الشعرة من العجينة سرقة وسرقت واتبليت بالسرقة على عسكرى مالوش فى السرقة واتسجن واترفد ونمت أشخر اتجسست على الجميع ولميت معلومات عنهم وشغلت عندى عساكر تحت ايدى وكانوا أقدم منى مخدرات وشربتها وهربتها وبعتها وأطين من كده عملت بس مايصحش أحكى فى المدونات وعرفت حاجة خوفتنى واحد قال لى ان ريح

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

2 تعليق »

فى معهد أمناء الشرطة اتعلمت حاجات كتير اولها تمام يافندم… ومحدش يفتكر إن تمام يافندم دى حاجة بسيطة دى معناها الضبط والربط ومحدش يفتكر إن الضبط والربط دى برضك حاجة بسيطة دى معناه النظام… والنظام ده ياسادة ياكرام هو الموضوع…

تمام يافندم اتعلمتها بسرعة جبارة من أول مادخلت… شفت أمين صغنن  كان بيعلق… أو بيرد… أو بيستفهم… أو أى رد من أى نوع رده على أمر حضرة الصول… بس همهم بكلام مش مفهوم وقفاه التهب فى ظرف ثوانى…  بينى وبينكوا من يوم ماكف ابن العمدة نزل على قفايا وأنا بقيت حريص إنى أحافظ عليه أصل بعيد عنكوا الضرب ع القفا ده كيف للضارب وكسر نفس للمضروب..

وحضرة الصول عندنا هو المعنى بتعليم المستجدين تمام يافندم وفى أسرع وقت فحضرته بيستخدم كل الوسايل وكل الطرق فى تدريب العساكر على تمام يافندم

 وتمام يافندم هى العنوان الرسمى للضبط والربط والضبط والربط ده ياحضرات حاجة مش موجودة فى كتاب ولا قوانين زى ما انتوا فاكرين الضبط والربط ببساطة هو مخ حضرة الصول هو قاعد يصدر أوامر غلط أو صح أو أى سخام أزرق على رأسه ورأس اللى خلفوه هو أمر واجب التنفيذ وعلشانه أمر واجب التنفيذ لازم وحتما يتنفذ لو هاتم

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

2 تعليق »

واحد معلم سألنى سؤال وجيه… انت بتفضح نفسك؟ حد يفضح نفسه بالشكل ده؟ هاقولك ياحدق أنا قصدت إنى أوريك إزاى بلدنا اتطورت واتغيرت كانت زمان بلد شهادات دلوقتى بقت حاجة تانية خالص الشهادات بقت عاملة زى قراطيس اللب دلوقت بقت بلد مناصب.

إسم العرة عقدنى وأنا لسة تلميذ وبقيت نايم أحلم إنى يبقى إسمى مثلا صالح سليم او حسن حمدى أسماء كده شياكة وفى يوم رجعت من المدرسة متبهدل من الولاد فى الفصل كانوا فى نوبة ضحك عليا وراحوا عاملين مظاهرة على اسم العرة عيال بقى المهم رجعت لابويا معيط ومتشحتف قال لى هاروح للناظر بكرة وابهدل لك العيال دول قلت له لأ أنا عاوز حاجة تانية قال لى ايه قال تمسح إسم العرة ده من شهادة ميلادى… قال لى بأسف يابنى لو ليا ضهر كنت عملتها قلت له يعنى ايه ضهر ما كلنا لينا ضهر قرب من ودنى وهمس مش الضهر اللى انت فاكره دى حاجة تانية قلت له بهمس فهمنى قال تعرف حضرة العمدة قلت أيوة قال تعرف اسمه قلت له اسم الله عليه الريالى قال فيك من يكتم السر قلت فيه قال كان اسمه أبو ريالة بس لما بقى

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

2 تعليق »